കൊഴുപ്പുള്ള ഭക്ഷണം ഉപേക്ഷിച്ചിട്ടും കൊളസ്‌ട്രോള്‍ നിയന്ത്രിക്കാനാകുന്നില്ല എന്ന പരാതി പലരും പറയാറുണ്ട്. മനുഷ്യശരീരത്തിലെ കൊളസ്‌ട്രോള്‍ ഉയര്‍ന്ന് ഹാനികരമാകാന്‍ കാരണം കൊഴുപ്പടങ്ങിയ ഭക്ഷണം മാത്രമല്ല. നമ്മുടെ ആഹാരരീതിയും ഇതിന് കാരണമാകും. കൊളസ്‌ട്രോള്‍ കുറക്കുന്നതിന് നമ്മുടെ ആഹാരത്തില്‍ ശ്രദ്ധിക്കേണ്ട ചില കാര്യങ്ങള്‍.
വളരെ വേഗത്തില്‍ ദഹിക്കുന്ന ഭക്ഷണം ഒഴിവാക്കുക. പഞ്ചസാര ഉപയോഗിക്കുന്ന ബേക്കറി, പഴം ജ്യൂസ് തുടങ്ങിയവയും മൈദ കൊണ്ടുണ്ടാക്കിയ പദാര്‍ഥങ്ങളും ഒഴിവാക്കുക.
നാരുകള്‍ അടങ്ങിയ ഭക്ഷണം ധാരാളം കഴിക്കുക. തവിടുള്ള ഓട്‌സ് പോലുള്ളവ ആഹാരത്തില്‍ ഉള്‍പ്പെടുത്തുക. ഇലക്കറികള്‍, പച്ചക്കറികള്‍, സാലഡുകള്‍, പഴങ്ങള്‍ തുടങ്ങിയവ ധാരാളമായി കഴിക്കുക. മാത്രമല്ല, സാധാരണ ചെയ്യുന്നത് പോലെ കൊഴുപ്പടങ്ങിയ ഭക്ഷണങ്ങള്‍ ഒഴിവാക്കുകയും വേണം.
മത്തി, ചൂര, അയല പോലുള്ള ഒമേഗ 3 ഫാറ്റി ആസിഡ് അടങ്ങിയ മത്സ്യങ്ങള്‍ കഴിക്കുക. തൈര്, മോര് തുടങ്ങിയവ ഉള്‍പ്പെടുത്തുക. അണ്ടിപ്പരിപ്പ്, ബദാം പോലുള്ളവ ധാരാളമായി കഴിക്കുക.
വിവരങ്ങള്‍ക്ക് കടപ്പാട്: ഡോ.ഹിഷാം ഹൈദര്‍
No comments :
Post a Comment